Уладзімір Шульжыцкі па асабістай ініцыятыве на невялікіх аркушах паперы пісаў ад рукі хвалі Радыё “Свабода” і распаўсюджваў іх па паштовых скрынках. На аркушах ён дапісваў свой мабільны тэлефон, каб дапамагчы ў выпадку, калі ў некага не будзе атрымлівацца настройка радыёпрымача. Гэтым і скарысталіся міліцыянты, – паведамляецца на сайце “Радыё “Свабода”.
24 красавіка яны патэлефанавалі спадару Шульжыцкаму і папрасілі, каб той прыйшоў па канкрэтным адрасе і дапамог настроіць прымач.
Калі Шульжыцкі прыйшоў па названым адрасе, яго затрымалі для праверкі дакументаў і даставілі ў аддзяленне міліцыі. Там на грамадскага актывіста склалі пратакол за тое, што ён, быццам, нецэнзурна лаяўся.
Сёння над Уладзімірам Шульжыцкім адбудзецца суд. Ноч перад судом яго пратрымалі ў пастарунку.