Уладзімер Шульжыцкі раскідаў у сваім горадзе па паштовых скрынках самаробную рэкляму з хвалямі Радыё Свабода.
Як паведаміў грамадзкі праваабаронца Алесь Дзергачоў, ва ўлётках хлопец падаў свой тэлефон. Яму патэлефанаваў незнаёмы мужчына, назваў адрас і папрасіў дапамагчы настроіць прымач на хвалі “Свабоды”. Калі Уладзімер зьявіўся па ўказаным адрасы, яго затрымалі міліцыянты, склаўшы пратакол аб тым, што хлопец нібыта нецэнзурна лаяўся ў грамадзкім месцы.
Гэта была правакацыя, зазначыў спадар Дзергачоў. Праваабаронца тлумачыць: Уладзімеру тэлефанаваў мужчына, а па тым адрасы пражывае самотная жанчына.