Назіральнік ва участковай камісіі № 5 Смаргонскай выбарчай акругі № 29 Аляксандр Дзергачоў яшчэ 25 верасьня зьвярнуўся да старшыні камісіі Тамары Путырскай з пытаньнем, ці будзе ён дапушчаны да стала, дзе падлічваюцца бюлетэні прагаласаваўшых.
Атрымаўшы адмову, пісьмова абскардзіў дзяньні старшыні ў камісію.
І вось сёння атрымаў адказ.
У ім паведамляецца, што ў гэтым пытаньні камісія кіруецца рэкамэндацыямі Цэнтральнай выбарчай камісіі. І далей паведамляе, што патрабаваньні назіральніка пярэчаць арт. 13-76 і 155 Выбарчага кодэкса. Далей камісія робіць выснову: “паколькі ён (назіральнік) прэтэндуе на удзел у падліку галасоў, што замінае нармальнай працы камісіі, лічыць патрабаваньні Дзергачова А.М. невыканальнымі”.
Адсюль вынікае, што такія адносіны да назіральнікаў будуць па ўсёй Беларусі са спасылкай на рэкамендацыі ЦВК.