Наш горад

Смаргонь - раённы цэнтр на паўночным усходзе Гродзенскай вобласці (Беларусь) з колькасцю насельніцтва 36,2 тыс. человек. Упершыню прыпамінаецца ў 1503 годзе як уладанні князёў Зяновічаў. У 1904 годзе Смаргонь атрымала статус горада.

У горадзе дзейнічае кінатэатр, ДК, дыскатэкі, камп'ютэрныя клубы і г.д. У краязнаўчым музеі сабрана падрабязная інфармацыя аб гісторыі горада. Друкаваныя СМІ прадстаўлены адным дзяржаўным выданнем "Светлы шлях". Тэлекампанія ОКС-ТБ, створаная ЗАА "Оксна", развярнула кабельнае тэлебачанне практычна па ўсёй тэрыторыі горада.

Эканоміка горада ў цяперашні час ва многім абапіраецца на прамысловасць. Так, Агрэгатны завод - буйнешае ў рэспубліцы прадпрыемства па вытворчасці мінітэхнікі, а каналізацыйныя люкі Ліцейна-механічнага завода з надпісам "Смаргонь" можна ўбачыць практычна ў любым беларускім горадзе. Асноўныя напрамкі прадпрыемстваў: будаўнічыя матэрыялы, харчовая, дрэваапрацоўчая і металаапрацоўчая прамысловасць. Асноўныя галіны сельскай гаспадаркі Смаргонскага раёна - льнаводства, мясамалочная жывёлагадоўля, тут вырошчваюць зернавыя і кармавыя культуры, бульбу. На тэрыторыі раёна праходзіць чыгунка і аўтадарога Мінск-Вільнюс, горад Смаргонь звязаны аўтадарогамі са Свірам, Вілейкай, Маладзечна, Ашмянамі. У Смаргоні 7 школ (4-я мае статус гімназіі) і школа-інтэрнат. Футбольны клуб "Смаргонь" удзельнічае ва ўсіх рэспубліканскіх спаборніцтвах.