У Смаргоні адбылася сустрэча з заснавальнікам "Маладога Фронту" і "Беларускай Хрысціянскай Дэмакратыі" (БХД), Павалам Севярынцам. Пад-час сяброўскай сустрэчы з лідэрамі Смаргонскай Моладзі БНФ, Павал распавядаў аб мэтах існаваньня БХД, бліжэйшых і доўгатэрміновых плянах. Павал Севярынец і Смаргонскай Моладзь БНФ дамовіліся аб узаемным супрацоўніцтве і сяброўстве. Сустрэча доўжыдася каля дзьвух гадзін. Пад-час прыбываньня ў Смаргоні Павал паспеў наведаць касьцёл, які па яго словах пакінуў у яго сэрцы вельмі цёплыя пачуцьці.

У Смаргоні, як і ва ўсёй краіне, распачалася кампанія "Беларусь без АЭС з расейскімі рэактарамі". Тэма неабходнасці пабудовы на тэрыторыі Беларусі атамнай электрастанцыі шырока абмяркоўвалася і экспэртамі падчас правядзеньня круглых столоў у сядзібе Партыі БНФ, і інтэрнэт-карыстальнікамі на форумах. Асноўнымі слёганамі сёлетняга Чарнобыльскага шляху сталі "НЕ расейскай АЭС у Беларусі" і "НЕ будаўніцтву АЭС без належнага грамадзкага кантролю і экспэртызы", што яскрава сьведчыць пра актуальнасьць тэмы. Але большасьць экспертаў лічаць, што АЭС патрэбна, толькі яе будаўніцтва не павінна ажыцьцяўляцца расійскімі фірмамі. Смаргонскія ж актывісты Моладзі БНФ выступаюць катыгарычна супраць будаўніцтва АЭС па любых тэхналогіях.